謝謝Trassy 幫忙設計今年的banner~ 正呀!
轉眼又一年, 話咁快就12年, 我都估唔到可以將自己嘅興趣成為全職工作12年!
謝謝大家支持! 講幾多次都唔夠架!
有人問我點做到?
好簡單! 堅持!
點堅持? 堅持做自己! 一係唔做, 一係就俾心機做!
當然! 講就好簡單! 當中好多奇異事件發生左你唔知姐~ 哈哈
但就係有依D事發生, 更讓我努力去經營一個小小店
最近好多人都話想做生意, 我唔係好多經驗, 不過都有小小心得可以分享一下咁啦,
創業唔難, 但守業真係好難!
我依個行業唔係必須品就更難!
經濟唔好時生意可以差到你唔信!
有時連交租都係問題....
所以創業前要問自己: 點解要創業? 點解係依個行業而唔係其他呢?
因為人地做得好所你又做?
因為人地賺到錢所以你又想賺?
因為你覺我自己做得到所以你又想試吓?
如果係上面是但一個, 你真係要考慮清楚了
錢係要搵既, 但如果唔鐘意果樣野, 好難做得長!
如果只係想玩吓、試吓、體驗吓,
咁就要計好條數先好做喇, 唔只係錢, 仲有時間、人手、貨源、客源
現今世界互聯網好方便,比我12年前開始時方便N倍, 看似機會多左, 可以賣到全世界, 但其他人都可以架! 所以競爭大到一個點! 仲有本地對手呢? (對手最難搞..... 所以我通常都唔會理, 因為理唔得咁多)
你以為俾錢賣廣告就可以? 咁你要預定好多錢喇, 一千幾百($)一個POST is nothing! 有LIKE但唔代表有數返架~~~~ 真心話, 靠FB, IG不如靠口碑
有好多人都係兼職咁做, 咁就要問吓你自己係唔係有咁多時間喇,
唔好以為兼職冇咩野, 其實自己創業就係咩都關你事架! 一個人就晒真心累...
想work- life balance簡直係騙人.....
今年呢, 好開心有Trassy依位正到不得了既PT同事幫手, 真係有時間放鬆心情~ (有時真係做到火火地, 唔好問我點解, 知既人就會知架喇!)
我會努力D, 等你全職幫手架喇 ! 哈哈哈哈哈
謝謝Trassy
講完無謂嘢, 係時候講重點喇!
今年Nov1手作坊又有優惠喇！
詳情如下：
—》網上購物全店88折(結帳時自動折扣)
*折扣期間免運費將取消*
—》門市購物全場VIP價發售，會員享額外全單95折
（部分公價商品沒有折扣，但仍可享95折）
—》以VIP價報讀手作課程
*所有商品售完即止、課程額滿即止*
*優惠期間不設訂貨服務*
優惠期由2020年11月1日至15日
*以上優惠不可與其他優惠同時使用
*Nov1手作坊保留更改/取消以上優惠之權利
*本工作室不設預訂服務, 所有商品售完即止
*於2020年10月31日或以前成為會員, 方可於優惠期間享有額外全單95折
如有任何查詢請致電2880-0885或 whatsapp 6620-2195
網頁：www.nov1.com.hk
門市地址：尖沙咀漆咸道南87-105號百利商業中心7樓735室
#12周年慶 #12周年折扣優優 #銀黏土 #padico模具
#櫻花牌乾粉彩 #和諧粉彩 #消字板香港 #消字板 #impressart #panpastel #UV滴膠 #羊毛氈材料工具
